УИХ-ын Төрийн байгуулалтын байнгын хорооны хуралдаанаар өчигдөр Монгол Улсын Их хурлын Сонгуулийн тухай хуулийн төслийг хэлэлцэх байсан ч чадсангүй. Энэ нь УИХ дахь хоёр намын бүлэг дээрх хуулийн төсөл дээр санал зөрүүтэй байгаагаас ажлын хэсэг хуралдаж саналыг нэгтгэж чадаагүйтэй холбоотой ажээ.

Тиймээс ирэх пүрэв гаригт хуралдах УИХ-ын чуулганы нэгдсэн хуралдаанаар Монгол Улсын Их хурлын Сонгуулийн тухай хуулийн төслийг хэлэлцэж магадгүй гэх таамаглал биелэлээ олох боломжгүй болж байна.