Шударга өрсөлдөөн, хэрэглэгчийн төлөө газрын удирдлагууд өнөөдөр “Ник” ХК, “Жаст” ХК, “Сод монгол” ХК, “М-Ойл” ХХК, “Синчи”-ойл ХХК-ын удирдлагуудтай уулзаж, шатахууны жижиглэнгийн үнийг тогтвортой байлгах, үнэ нэмэхгүй байх, нөөцийг нэмэгдүүлэх талаар ярилцжээ. Ямартай ч дээрхи компаниуд шатахууны үнийг нэмэхгүй гэдгээ албан ёсоор мэдэгдсэн байна. 

ШӨХТГ, Газрын тосны газраас “Шунхлай” компанийг АИ92 шатахууны үнээ 50 төгрөгөөр нэмсэн үндэслэлтэй танилцаж байгаа бөгөөд дүгнэлтийг ирэх долоо хоногт гаргах юм байна.