Дуучин Бейонси ирэх дөрөвдүгээр сарын 15-нд эхлүүлэхээр төлөвлөсөн “Mrs. Carter” нэртэй аялан тоглолтдоо дэлхийн нэртэй брэнд “Pepsi”-тэй хамтран ажиллахаар болжээ. Дэлхийг тойрох түүний аялан тоглолтыг “Pepsi” компани ивээн тэтгэж буй тухай дуучин бүсгүй албан ёсны цахим хуудсандаа мэдээлсэн байна. Хамтын ажиллагааны хүрээнд Бейонси өвөрмөц дүр төрх, хэв маяг бүхий зурагт хуудас гаргаж, “Pepsi”-г сурталчилж эхэлжээ.

Бейонсегийн аялан тоглолт ирэх дөрөвдүгээр сарын 15-нд зүүн өмнөд Европын Серби улсын нийслэл Белград хотоос гараагаа хийж, Лондон, Стокгольм гээд Европын хотуудаар үргэлжлэх ажээ. Тоглолтын тасалбар аль хэдийнэ худалдаанд гарсан гэнэ.