Банкинд мөнгө дээрэмдэхээр орж хүний амь насыг буудан хөнөөсөн залууг өнөөдөр Налайх дүүргийн шүүхэд шүүсэн боловч хурлыг энэ сарын 15-нийг хүртэл хойшлуулсан байна. Учир нь шүүгдэгч А.Бат-Ялалтын өмгөөлөгч хурал давхцсан тул өнөөдрийн хурлдаанд оролцоогүй байна.

А.Бат-Ялалт нь өнгөрсөн 2012 оны хоёрдугаар сарын 3-ны өдөр Налайх дүүрэгт орших банкны салбарт “Сурвалжлагч байна. Танай захиралтай уулзаж, ярилцлага авах гэсэн юм” гэж хэлэн орж, захирал н.Туяагаас мөнгө нэхэх явцдаа түүний нөхрийг нь буудан хөнөөсөн юм. 

Түүнд өнгөрсөн оны арваннэгдүгээр сарын 20-нд анхан шатны шүүхээс цаазын ял оноосон бөгөөд давж заалдах шатны шүүхээс хэргийг дахин анхан шатны шүүхэд шилжүүлэх шийдвэр гаргаснаар ийнхүү хэргийн дахин дэнслэхээр болсон юм.