Улаанбаатар хотыг хөгжүүлэх ерөнхий төлөвлөгөө болон гэр хорооллын дахин төлөвлөлтөд оролцох зорилгоор Бүгд найрамдах Чех улсын /БНЧУ/ дөрвөн компанийн төлөөлөгчид энэ сарын 05-09-ний өдрүүдэд Улаанбаатар хотноо ажиллаж байна. Айлчлалыг БНЧУ-ын Элчин сайдын яам хамтран зохион байгуулж байгаа бөгөөд өнөөдөр 10.00 цагт төлөөлөгчид хотын удирдлагуудтай бүтээн байгуулалтын ажилд оролцох боломжийн талаар Хангарьд ордны 14 давхарт хэлэлцэх аж.

Эдгээр компаниудыг танилцуулахад, Хөрөнгө оруулалт, төслийн санхүүжилтын “ABP Consulting a.s”, усны аж ахуй, бүх төрлийн цэвэрлэх байгууламжийн төлөвлөлтийн “Centroprojekt a.s”, усны аж ахуй, бүх төрлийн цэвэрлэх байгууламжийн технологи, барилгын ажлын “Aquoconsult s.r.o”, орон сууц, нийгмийн салбарын барилгын төслийн хөрөнгө оруулалтын “Finep a.s” гэсэн дөрвөн компанийн удирдлагуудаас бүрдсэн нийт есөн хүний бүрэлдэхүүнтэй төлөөлөгчид айлчилж байгаа юм.