Газар тариалангийн гол бүс нутаг болох Дархан-Уул аймагт тариаланчдын зөвлөлгөөн энэ өдрүүдэд болж байна. Аймгийн Хүнс хөдөө аж ахуй, Жижиг дунд үйлдвэрийн газар, салбарын яамтайгаа хамтран зохион байгуулж байгаа энэ зөвлөлгөөнд холбогдох албаны удирдлагууд, арилжааны банкууд, нефть хангамжийн байгууллагууд, эрдэмтэд судлаачид оролцож байгаа юм. Мөн хөдөө аж ахуйн техник, тоног төхөөрөмжийн “Агротех–2011 Монгол” олон улсын үзэсгэлэн худалдааг нээжээ.

Энэ онд тус аймгийн хаврын тарилалтад шаардагдах үр, шатахууны захиалгыг аж ахуй нэгж, иргэд тус бүрээр гаргасан байна. Дарханы тариаланчид энэ онд 12128 га-д үр тариа, 980 га–д төмс, 925 га–д хүнсний ногоо, 230 га–д малын тэжээл тус тус тариалахаар төлөвлөжээ. Үр тарианы хувьд 1945 тонн үр шаардлагатайгаас аж ахуйн нэгж, иргэд 58.1 хувь буюу 1128.6 тонныг нь нөөцөлсөн байна. Харин 873.4 тонн үр дутагдаж байгаа аж. Тиймээс шаардлагатай үрийн нөөцийг хэрхэн бүрдүүлэх талаар зөвлөлгөөнд оролцогчид хэлэлцэж, тодорхой шийдвэр гаргах юм байна.

Зохиогчийн эрх:
"Улс төрийн тойм" сонин