Нийслэлийн хэмжээнд өчигдөр урьд өдрүүдээс харьцангуй тайван хоносон бөгөөд энэ нь архи, тамхи хэрэглэхийг хориглосонтой холбоотой тухай яаралтай түргэн тусламжийн төвөөс мэдээллээ. Өчигдрийн байдлаар тус төвийн 103 дугаарын утсанд 3291 дуудлага ирсэнээс бодит дуудлага нь 559 байсан ажээ. Үүний дийлэнх нь төрөхийн 57, осол гэмтлийн 80, ухаангүй согтолтын найман дуудлага байсан бол зөвлөгөө авах зорилгоор 452 дуудлага ирсэн байна.

Ийнхүү нийслэлчүүд харьцангуй тайван хоносон ч осол гэмтэл тохиолдсон үед цаг алдалгүй шуурхай төвд хандаж, үнэн зөв мэдээлэл өгч байхыг Шуурхай төвийнхөн анхаарууллаа.