Хөвсгөл аймгийн Засаг даргын тамгын газраас 14 дэх жилдээ уламжлал болгон зохион байгуулж байгаа “Мөсний баяр” гуравдугаар сарын 2-3-ны өдрүүдэд Хөвсгөл далай дээр болох гэж байгаа билээ.

Энэ жилийн мөсний баярыг “Хөх сувдын орон-2013” нэртэйгээр зохион байгуулж байгаа ба баярын бүх үйл ажиллагааг Хатгал сум хариуцаж байгаа ажээ.

Энэ жилийн мөсний баяр “Хөх сувдын орон-2013”-ыг Соёл, спорт, аялал жуулчлалын яам дэмжин оролцож байгаа юм байна. Гуравдугаар сарын 2-ны 11.00 цагаас Хаан их сарьдаг, Хатан далай ээждээ хүндэтгэл үзүүлснээр эхлэх мөсний баярын үеэр мөсөн шагайн тэмцээн, цаа бугын уралдаан, үндэсний хувцасны үзүүлбэр зэрэг олон сонирхолтой үйл ажиллагаа болох аж.