Энэ жилийн Оскарын шагнал гардуулах ёслолд ихээхэн найдлага тавьж байсан ч шагналын тавцанд гарч чадаагүй жүжигчин Томми Ли Жонс саяхан 27 сая ам.доллараар Флоридагийн Веллингтонд 50,2 акр талбай бүхий хувийн эдлэн газар худалдан авчээ. Томми одоогоос 10 жилийн өмнө мөн 4,5 сая ам.доллараар нэлээд том газар бүхий эдлэн авч байсан гэнэ.

Өдгөө 66 настай жүжигчин 85 дахь удаагийн Оскарын шагнал гардуулах ёслолоос “Lincoln” бүтээлээрээ шилдэг туслах эрэгтэй дүрд нэр дэвшсэн ч нэрт жүжигчин Кристофер Вальи уг номинацийн шилдгийн шагнал гардсан юм. Гэхдээ Томми Ли 1993 онд “The Fugitive” бүтээлээрээ аль хэдийнэ Оскарын шилдэг эрэгтэй дүрийн шагнал хүртсэн билээ.

Томын шинэ эдлэн газар хувийн томоохон байшингаас эхлээд хиймэл нуур, морин тойруулгын зам гээд бүхий л зүйлийг цогцлоосон тансаг гэгч нь эдлэн гэнэ.