Зочид буудлын өв залгамжлагч, Холливуудын хамгийн баян “эрх муузгай” нарын нэг Paris Hilton Америкийн улаан загалмайн нийгэмлэгийн нэрэмжит үдэшлэгт оролцлоо. Уг үдэшлэг өнгөрсөн долоо хоногт Санта Моникад болсон ба нэр хүндтэй одод хуран цугларсан юм.
Сайн үйлсийн төлөө санаа нэгдсэн энэхүү арга хэмжээнд Paris улаан, хар, цагаан алаг урт даашинзаар гангарлаа. Түүний энэхүү даашинзыг зөвхөн улаан загалмайн нийгэмлэгийн арга хэмжээнд зориулж Marc Bouwer урласан байна.
Уг үдэшлэгээр дэлхий хамгийн хүнд бэрх аюул нүүрлээд буй олон улсад хандивлах хандив цуглуулсан ба Paris 500 мянган доллар хандивлажээ.