Монголын сэтгүүл зүйн тод төлөөлөгч, бидний мэргэжил нэгт нөхөр, дотны анд найз сэтгүүлч С.Наранбаатар урьд шөнө буюу хоёрдугаар сарын 25-наас 26-нд шилжих шөнө амь насаа алдаж, гэр бүл, хамт олон, мэргэжил нэгт нөхөд, уншигч үзэгч олон, Монголын сэтгүүлзүйд нөхөж баршгүй уй гашуу тохиолдлоо.

Гал цогтой, хурц дайчин мэдээлэл, нийтлэлээрээ Монголын сэтгүүл зүйд нэгэн тод мөрийг үүсгэн, уншигч, үзэгч олон нийт мэргэжил нэгт нөхдийнхөө хайр хүндэтгэлийг хүлээсэн нэрт сэтгүүлч С.Наранбаатар ид залуу насандаа зуурдаар бурхны оронд одсонд “News” агентлагийн хамт олон, мэргэжил нэгт нөхөд, анд найз нар нь гүн эмгэнэл илэрхийлж байна.