МҮОНРТ-ийн нэрэмжит 2011 оны гандболын өсвөр үеийн улсын аварга шалгаруулах тэмцээн энэ сарын 8-10-нд Хан-Уул дүүргийн Спортын ордонд боллоо. Тэмцээнд Улаанбаатар хотоос БЗД-ийн “Шинэ Монгол” ахлах сургууль, СХД-ийн “Ирээдүй” цогцолбор, СБД-ийн 1 дүгээр сургууль, хөдөө орон нутгаас  Сэлэнгэ, Дархан-уул аймаг, Зүүн хараагийн эрэгтэй ес, эмэгтэй зургаан багийн  150 гаруй тамирчид оролцож ур чадвараа сорьсноос:

Эмэгтэй:    
1.    Н.Нямаа дасгалжуулагчтай Э.Энэбиш ахлагчтай Дархан-Уул аймгийн Дархан баг
2.    Н.Юнгээ дасгалжуулагчтай Б.Агиймаа ахлагчтай СХД-ийн “Ирээдүй” цогцолбор сургуулийн баг
3.    Ц.Цогзолмаа   дасгалжуулагчтай Э.Билгүүндарь ахлагчтай Нийслэлийн 1-р сургуулийн баг

Эрэгтэй:
1.    А.Амгалантамир дасгалжуулагчтай А.Энхболд ахлагчтай Зүүн хаараа баг    
2.    Д.Эрдэнэ-Очир дасгалжуулагчтай Д.Болдбаяр ахлагчтай Шинэ Монгол сургуулийн баг            
3.    Н.Нямаа   дасгалжуулагчтай А.Өлзий-Орших  ахлагчтай Дархан-Уул аймгийн Дархан багууд эхний байруудад шалгарчээ.

“Шилдэг тоглогч”-оор Э.Энэбиш /Дархан/, А.Өлзий-Орших, “Шилдэг довтлогч”-оор У.Маралмаа /Дархан/, О.Оюунболд /Сэлэнгэ/, “Шилдэг уран тоглогч”-оор Б.Оюундарь /Ирээдүй/, Д.Болдбаяр /Шинэ Монгол/, “Шилдэг дасгалжуулагч”-аар  Ц.Цогзолмаа /1-р сургууль/, Н.Нямаа /Дархан/ нар шалгарсан байна.

Тэмцээний нээлт, хаалтын ажиллагаанд Монголын гандболын холбооны ерөнхийлөгч Д.Жаргалсайхан, МҮОНРТ-ийн редактор, МГХ-ны УЗГ Б.Нацагдорж, МҮОНРТ-ийн бусад удирдлагууд оролцлоо.