Хуучнаар Хүнс хөдөө аж ахуй, хөнгөн үйлдвэрийн яамны Жижиг, дунд үйлдвэрийг дэмжих сангийн 500 сая төгрөгийг зориулалтын дагуу ашиглаагүй, тодорхой хэмжээг нь хувьдаа завшсан гэх асуудлаар тус яамны  Төрийн нарийн бичгийн дарга асан Т.Гантулга, Хөнгөн үйлдвэрийн бодлогын хэрэгжилтийг зохицуулах газрын дарга Н.Баярмагнай, сайд асан Т.Бадамжунай нарыг өнгөрсөн оны зунаас эхлэн шалгаж эхэлсэн. “Завшсан мөнгийг УИХ-д нэр дэвшсэн зарим хүний сонгуулийн сурталчилгаанд ашигласан байж болзошгүй гэх хэргийг УМБГ-т шалгаж дуусаад Нийслэлийн прокурорын газарт шилжүүлээд байгаа. Энэ хэрэгтэй холбоотойгоор нэр бүхий УИХ-ын гишүүд төдийгүй  тухайн үед шийдвэр гаргасан яамны сайд, удирдлагуудыг энэ хэрэгт сэжигтнээр татагдсан ” тухай албаны эх сурвалж мэдээллээ.