МИАТ компаниар дамжуулан “Дайны эрсдлийн сан” гэх нэрийдлээр, гадаадын таван улсын банкны дансанд мөнгө байршуулж, угаасан хэрэгт агаарын тээврийн томоохон компанийн удирдлагуудыг саатуулан, УМБГ-т шалгаж байгаа. Энэ хэрэгт нэмж сэжигтэн, холбогдогч татсан эсэхийг ЦЕГ-ын Олон, нийттэй харилцах албаны дарга, хурандаа Т.Сайнжаргалаас тодрууллаа.

-МИАТ хэрэгт холбогдуулан нэмж сэжигтэн саатуулсан уу?

-Одоогоор энэ хэрэгт есөн хүнийг сэжигтнээр татан, Цагдан хорих ангид саатуулсан. Нэмж хүн саатуулаагүй байгаа. Сэжигтнүүд мэдүүлэг өгч эхэлсэн гэдгээс өөр мэдээлэл өгөх боломжгүй.

-Яг ямар заалтаар шалгаж байгаа билээ?

-Эрүүгийн хуулийн 150.3 буюу эрх мэдлээ урвуулан ашигласан, 166-д зааснаар мөнгө угаах гэмт хэргийг бүлэглэн үйлдсэн гэх заалтаар эрүү үүсгээд байгаа юм.