“Баячуудын татвар”-аас болоод алдартнууд Парисыг орхиж байхад, зарим нэг нь бас “хайрын хот”-д амьдрахаар шийджээ. Тухайлбал, Холливудын жүжигчин Натали Портмэн болон түүний нөхөр Бенжамин Милпье нар хоёр настай хүү Алефийн хамт Парист амьдрах гэнэ.

Тогтсон гэмээр амьдралтай Натали ингэж амьдралаа өөрчлөх болсон нь нөхрийнх нь ажилтай холбоотой аж.  Бенжамин Милпье нь Францын алдартай бүжигчин, бүжгийн багш бөгөөд саяхан “Гарнье опера”-гаас бүжгийн хамтлагийг толгойлох тун аятайхан ажлын санал хүлээн авчээ.

Саяхнаас нэлээд үнэтэй жүжигчдийн жагсаалтад дээгүүр бичигдэх болсон Натали Францад очоод, 75 хувийн татвар төлөхөөсөө нэг ч их эмээхгүй байгаа бололтой.