Вера Романова хааны цусан төрөл, Оросын вангийн хатагтай (1906.04.11-2001.01.11)

Их ван Констан­тин Константинович­ийн бага охин Вера Кон­с­­­­­­­тан­­­­тиновна Ром­­­ан­­­ова 1906 оны дөрөв­­­дүгээр сарын 11-нд төржээ. Түүний загалмайлсан эх нь хатан хаан  Алек­сандра Федоровна байлаа. Эцгийгээ нас барсны дараа 1915 оноос 1918 он хүртэл Боржин ордонд амьдарч байгаад ах Георгий, хоёр үеэл дүү нар ба эхийн хамт Шведэд гарчээ. Тэр Бельги, Германд амьдарч, дар­вуулт завийн спортоор хичээллэж байлаа. 1927 онд эхийгээ нас барсны дараа Вера Альтенбургт амьдарч байв. Дайны үеэр гер­ман гаралтай гэж, тэнд амьдарч байгаад 1945-1951 онд Британийн Улаан загалмайн сал­барт орчуулагч хийжээ. 1951 онд АНУ-д ирэн амьдарсан ч тэндхийн иргэн болоогүй байв. Хааны цусан төрөл байсан ч Вера Константиновна Романовын отгийн Кириллийн салаа хаан  ширээг залгамжлах ёстой гэж хэзээ ч үзэж байсангүй. Тэрбээр “Романовын гэр бүлийнхний гишүүдийн нэг­д­лийг” толгойлж иржээ. Хааны Дээд зөвлөлийн гишүүн нь байлаа. Энэ эмэгтэй “Оросын хаан ширээг залгамжлах хууль ёсны хүн” гэж тооцогдож иржээ. Хаант засаглалын хувьсгалын өмнөх хуулийн дагуух бүхий л эрх түүнд байлаа. Сүүлийн жилүүддээ тэр л домогт хамаатнуудаа дурсан санах цорын ганц хүн байв. Хааны гэр бүлийн шилдэг төлөөлөгчдийн нэг нь байсан юм. Оросын цагаачдын дунд ч ихээхэн нэр хүндтэй байжээ. Орос-Америкийн асрамжийн газарт тэрээр амьдарч байгаад 2001 оны нэгдүгээр сарын 11-нд нас баржээ.

Энэ өдөр таалал төгсжээ

Констан­тин Юон Орос ба Зөвлөл­тийн зураач (1875.10.24-1958.04.11)

Константин Юон 1875 оны арав­­­­­дугаар сарын (12) 24-нд Москва хот­ноо төржээ. Хувь тавилан­гийн буянаар тэрээр урт насалж, аз жар­галтай гэр бүлтэй, эргэн тойрондоо хайр хүндэтгэлтэй хүн байлаа. Амжилт маш эрт ирж, үргэлж түүнийг дагалдаж байлаа. Хувь­сгалын дараа өндөр шагнал, цол, удирдах тушаал түүнийг өөрөө хайн ирсэн гэж болно.

Гай зовлон түүнд харь­цан­гуй бага тохиол­д­­жээ. Тариачин эмэгтэйтэй гэрлэсэн гэж эцэгтэйгээ хэдэн жил холбоогоо тасал­сан байв. Мөн хөвгүүдийнх нь нэг багадаа өнгөрсөн зэр­гээс өөр зовлонг тэр үзсэнгүй. Тэрбээр 1892 онд Москвагийн урлагийн сургуульд сурал­цан К.А.Сав­и­­­ц­­кий, Н.А.Касат­кин, А.Е.Архипов, В.А.Серов нарын нэртэй зураачдаар багшлуулж байлаа.

Түүний зур­гууд ихээхэн гүйлгээтэй байснаас тэрээр Орос ба Европоор аялж чадсан юм. Хожим түүний зургууд янз бүрийн үзэсгэлэнд хамгийн эрэлттэй байлаа. Тэрээр уран зураач, номын зураач бөгөөд театрын зураач байлаа. Гэхдээ түүний байгалийн зургууд нь л жинхэнээр тэргүүлж байсан юм. Түүний үед эртний шашны шүтээн зургуудыг шинээр нээсэн бөгөөд тэр нь зураачийн үзэл бодлыг төлөвшүүлж өгчээ. Сүүлийн жилүүддээ Москва орчмын Лигачево тосгонд амьдран зурж байгаад 1958 оны дөрөвдүгээр сарын 11-нд нас эцэслэжээ.