Английн “Манчестер Сити”-гээс Италийн “АС Милан”-д очсон довтлогч Марио Балотелли шинэ багтайгаа анхны тоглолтдоо оролцож, дубль хийжээ. Сери А лигийн 23 дугаар тойргийн хүрээнд “Удинезе”-тэй хийсэн тоглолтод Балоттели өрсөлдөгчийн хаалганд хоёр гоол оруулсан байна. Тэрбээр тоглолтын 25 дахь минутад гоолдож, дараа нь тоглолтын нэмэлт цагт 11 метрийн торгуулийн цохилтоо “чулуу болгосноор” “Милан”-д ялалт авчирчээ.

“Милан” 23 тойргийн дараах байдлаар 40 оноотой Сери А-гийн хүснэгтийн тавдугаарт бичигдээд байна. Тэргүүлэгч “Ювентус” тэднээс 12 онооны давуутай байгаа юм.
Сануулахад, Балотеллигийн наймаа 20 сая еврогоор үнэлэгдсэн юм.