Найруулагч Бэн Аффлек өнгөрөгч оны наймдугаар сард нээлтээ хийсэн “Argo” киногоороо Оскарын өнгийг тодорхойлогч гэгддэг “Directors Guild award”-аас “Шилдэг найруулагч”-ийн шагнал хүртжээ. Тус наадамд шилдгийн шилдэг шагнал хүртвэл кино ертөнцийн нэр хүндтэй шагнал болох Оскарт мөн шилдгээр шалгарах магадлал хамгийн өндөрт тооцогддог Холливудын нөлөө бүхий үдшийн нэг юм. Гэсэн хэдий ч найруулагч Бэн Аффлек Оскарын шагнал гардуулах ёслолын шилдэг найруулагч номинациас нэрээ татсан тухай өмнө нь тэрээр  албан ёсоор мэдэгдсэн юм.

Аффлек энэ тухай тайлбарлахдаа “Би өөрийгөө жинхэнэ сайн найруулагч болсон гэж хэлж чадахгүй. Тиймээс Оскараас нэрээ татсан. Энэ бол миний шийдвэр” хэмээн ярьжээ. Аффлекийн найруулсан “Argo” кино нь 1979 оны Ираны хувьсгалын тухай өгүүлэх бүтээл бөгөөд Бэн Аффлек өөрөө тус кинонд мөн АНУ-ын “CIA” агентлагийн удирдагчийн дүрд тоглосон билээ. Аффлек Оскарын шагналыг хүртэх бүрэн болзлыг ийнхүү хангахаас гадна “Алтан бөмбөрцөг”, “Critics Choice Awards” гэх мэт кино ертөнцийн хүндтэй наадмуудаас шилдэг шагналыг тус тус хүртээд байгаа. Түүнчлэн өнгөрсөн долоо хоногт зохион байгуулагдсан “Screen Actors Guild awards”-т мөн “Argo” кино хамгийн хүчтэй өрсөлдөгчийн тоонд зүй ёсоор багтсан юм.