«Реала» клубын довтлогч Криштиан Роналду карьер дахь анхны авто гоолыг өөрийн хаалганд хийлээ. Энэ тоглолтоор Мадридын баг Испанийн  хөлбөмбөгийн тэмцээний сүүл баригч «Гранада» багт хожигдлоо гэж Reuters дамжуулжээ.

Гранада хотын  «Лос-Карменес» цэнгэлдэх хүрээлэнд болсон тоглолтын 22 дахь минутад Роналду толгойн цохилтоор өөрийн хаалганд хурц өнцгөөс гоол оруулжээ. Уг тоглолт 1:0 харьцаатайгаар талбайн эздийн хожлоор дууссан байна.

Энэ тоглолтын дараа «Реал» 43 оноотойгоор тэмцээний жагсаалтын гуравт явж байна. Роналду энэ улирлын тоглолтын турш 21 гоолыг эсрэг талынхаа хаалганд оруулжээ.