АНУ-ын Мичиган мужийн Детройт хотын “I-75” хурдны зам дээр өчигдөр өглөө 30-40 автомашиныг хамарсан томоохон осол гарсан байна. Ослын улмаас 20-25 хүн гэмтэж бэртэн, гурван хүн амь үрэгдсний хоёр нь 8-10 насны хүүхэд байжээ.

Мичиган мужийн албаныхны мэдээлснээр өчигдөр өглөө Детройтод их хэмжээний цас орсноос үзэгдэх орчин хязгаарлагдсны дээр зам халтиргаатай байснаас осол гарсан байна. Ослын улмаас цагдаа нар “I-75” хурдны замын хоёр урсгалыг бүтэн цагийн турш хааж, аврах албаныхан гэмтэж бэртсэн хүмүүсийг эмнэлэгт хүргэх болон осолд орсон автомашинуудыг замаас холдуулах ажиллагаа явуулжээ.