Засгийн газар өглөөний 08.00 цагт шуурхай хуралдааны хийдэг жишиг тогтоосон билээ. Өнөөдрийн хувьд Ерөнхий сайд Н.Алтанхуягын өглөөний шуурхайгаа зохион байгуулах газар нь Түргэн тусламжийн 103 төв байв. Тэрээр энэ долоо хоногт эрүүл мэндийн байгууллагуудын үйл ажиллагаатай танилцах, асуудлыг газар дээрээс нь харах зорилготой гэнэ.

Ийн Ерөнхий сайд долоо хоногийн турш салбарынхны санал бодлыг сонсч, газар дээр нь очиж танилцсаны дараа Засгийн газраас ойрын хугацаанд авч хэрэгжүүлэх бодлого, зохион байгуулалтын ажлыг тодорхойлон ирэх долоо хоногт нийтэд танилцуулах гэнэ.