Талбайн теннисний оны анхны “Их дуулга” болох “Австралийн нээлттэй тэмцээн” энэ сарын 14-27-ны хооронд Мельбурн хотноо болж өнгөрсөн. Тус тэмцээний дараа мэргэжлийн эрэгтэй теннисчдийн холбоо (ATP), эмэгтэй теннисчдийн холбоо (WTA) шинэчилсэн чансааг гаргасан байна. Эрэгтэйчүүдийн хувьд Сербийн Новак Жокович тэргүүлсэн хэвээр байгаа бол Швейцарийн Рожер Федерер, Их Британы Энди Муррей нар удаалж байна. “Австралийн нээлттэй тэмцээн”-ийг бэртлийн улмаас өнжсөн Испаний Рафаэль Надаль дөрвөөс тав руу, АНУ-ын Жон Ишнер 13-аас 16 руу ухарсан бол Испаний Дэвид Феррер таваас дөрөв рүү дэвшжээ. Японы Кей Нишикори 18-аас 21 руу ухарсан байна.

Эмэгтэйчүүдийн хувьд “Австралийн нээлттэй тэмцээн”-нд түрүүлсэн Беларусын Виктория Азаренка тэргүүлэгчийн байр сууриа алдаагүй бол шигшээд шалгарсан Хятадын На Ли зургаагаас тав руу дэвшжээ. Мөн “Австралийн нээлттэй тэмцээн”-ний наймны шигшээд АНУ-ын Серена Уильямсийг буулган авч хагас шигшээд шалгарсан Штефенс 25-аас 17 руу дэвшсэн байна.

ТОП-10 теннисчдийг танилцуулбал.

Эмэгтэй:

1. (1) Беларусын Виктория Азаренка 10325
2. 2. (3) АНУ-ын Серена Уильямс 9970
3. (2) ОХУ-ын Мария Шарапова  9545
4. (4) Польшийн Агнешка Радваньска 7750
5. (6) Хятадын Ли На 6255
6. (5) Германы Анжелья Кербер 5695
7. (7) Италийн Сара Эррина 4605
8. (8) Чехийн Петра Квитова 4285
9. (9) Австралийн Саманта Стосур 4230
10. (10)  Францын Марион Бартоли 3740

17. (25) АНУ-ын Слоун Штефенс 2466
77. (100) Японы Кимико Датэ-Крумм 830

Эрэгтэй:

1. (1) Сербийн Новак Жокович 12920
2. (2) Швейцарийн Рожер Федерер 10265
3. (3) Их Британы Энди Муррей 8480
4. (5) Испаний Давид Феррер 6865
5. (4) Испанийн Рафаэль Надаль 5400
6. (6) Чехийн Томаш Бердых 4680
7. (7) Аргентиний Хуан Мартин дель Потро 4210
8. (8) Францын Жо-Вильфред Цонга 3555
9. (9) Сербийн Янко Типсаревич 3180
10. (10) Францын Ришар Гаске 2720

( ) өмнөх чансааг тэмдэглэв.
    
WTA-н цувралууд Тайланд болон Францад үргэлжлэн явагдаж байгаа бол ATP-ийн цуврал тэмцээнүүд ирэх сарын 4-с Чели, Хорват, Францад үргэлжлэх аж.

Харин теннисдийн ирэх сарын чансаа өндөртэй тэмцээн Катарын Доха хотноо хүлээж байна. “Qatar Open” тэмцээний эмэгтэйчүүдийнх хоёрдугаар сарын 15-аас, эрэгтэйчүүдийнх хоёрдугаар сарын 25-наас эхлэх аж.  Тус тэмцээний  энэ жилийн шагналын сан эмэгтэйчүүдийнх 2 сая ам.долларт, эрэгтэйчүүдийнх 1 сая 785 мянган ам.долларт багтаж буй аж.