Өчигдөр Английн “Арсенал”-ын ахлах дасгалжуулагч Арсен Венгер хэвлэлийн бага хурлын үеэр энэ өвлийн наймааны цонхоор Дэвид Бекхэм, Давид Вилья хоёрын алийг нь ч авахгүй гэдгээ хэлсэн байна. Хэдхэн хоногийн өмнө “Их буучид” Давид Вильяг авахын тулд “Барселона”-д албан ёсоор санал тавьсан ч татгалзсан хариулт сонсчээ. Харин Бекхэм “Эмирейтс”-т хамтарсан бэлтгэлд гарахаар болсон юм.
“Испанийн баг Вильяг зарахыг хүсэхгүй байгаагаа бидэнд тодорхой ойлгуулсан. Би түүнийг зарахыг байгаа тухай л хэлж байгаагаас биш тэр бидний гол зорилго гэж хэлээгүй. Бекхэмийн хувьд бэлтгэлээ хамт хийх хүсэлт гаргасан. Тэрээр мэргэжлийн хөлбөмбөгчийн хувиар бэлтгэл сайтай байхыг хүсч байгаа л хэрэг. Тиймээс түүнийг багтаа авах, гэрээ байгуулах тухай асуудал энд огт байхгүй” гэж Венгер өгүүлсэн байна.
Р.ГЭГЭЭ
Эх сурвалж: www.NEW.mn