“Эрдэнэс Тавантолгой” компанийн Уул
уурхай хариуцсан дэд захирал Грейм Хэнкокийг үүрэгт ажлаас нь
чөлөөлөхөөр болжээ. ТУЗ-ийн шийдвэрээр түүнтэй байгуулсан гэрээг энэ
сарын 31-нээр дуусгавар болгохоор болсон байна.

“Эрдэнэс
Тавантолгой” компанийг байгуулагдах үед тус компанийн захирлуудыг
томилох сонгон шалгаруулалт явуулж, Грейм Хэнкокийг Уул уурхай эрхэлсэн
дэд захирлаар томилсон юм. Тэрбээр “Эрдэнэс Тавантолгой”-д ирэхээс өмнө
Дэлхийн банкны Уул уурхайн ахлах эдийн засагчаар ажиллаж байв. 

Мөн
өнгөрсөн онд “Эрдэнэс Тавантолгой” компанийн Санхүү эрхэлсэн дэд
захирал  Аngus Caithness-ыг үүрэгт ажлаас нь чөлөөлж байсан юм.