Нийслэлийн шүүхийн Эрүүгийн танхимаас иргэдийн эрүүл мэндийн эсрэг гэмт хэргийг  хэрхэн шийдвэрлэж буй талаар өнөөдөр мэдээлэл хийлээ. Энэ он гарсаар тус шүүхээр мансууруулах болон сэтгэцэд нөлөөлөх эм, бэлдмэл, бодисыг хууль бусаар тээвэрлэх, илгээх, худалдаалсан  хэрэгт холбогдсон таван хүний хэргийг хянан шийдвэрлэжээ.
Өнгөрсөн онд хар тамхины хэрэгт холбогдсон 15 хүний 13 хүнд холбогдох хэргийг шүүх эцэслэн шийдвэрлэсэн байна.
Хүн амын эрүүл мэндийн эсрэг гэмт хэрэгт мансууруулах болон сэтгэцэд нөлөөлөх эм бэлдмэлтэй холбоотой үйлдэл, тахал, гоц халдварт бусад өвчинтэй тэмцэх хууль журмыг зөрчих, орчиндоо аюул учруулж болох амьтныг хамгаалалтгүй байлгах зэрэг гэмт үйлдлүүд ордог аж.