Инээдмийн киноны жүжигчин Tina Fey хоёр дахь хүүхдээ төрүүлэхээр болжээ. “30 Rock” киноны гол дүрийг бүтээж, инээдмийн киноны шилдэг эмэгтэй жүжигчин шагналыг хүртсэн тэрбээр “The Oprah Winfrey Show” оролцох үеэрээ таван сартай жирэмсэн тухайгаа ярьсан байна.

Tina Fey 2001 онд хөгжмийн зохиолч, хөгжимчин Jeff Richmond-той гэрлэсэн ба анхны хүүхэд Alice нь 2005 онд мэндэлсэн юм.

“Охин маань надаас дүү гаргаж өгөөч гэж зогсоо зайгүй нэхэх болсон. Учир нь ангидаа тэр ганцаархнаа дүү байхгүй. Бусад хүүхдүүд нь нэг эсвэл хоёр дүүтэй. Тэгээд охиныхоо хүслээр би дүү гаргаж өгөхөөр шийдсэн. Нөхөр бид хоёр үхсэний дараа миний охинд хэн гэр бүл нь болж үлдэх билээ. Тиймээс дүү гаргах нв маш зөв шийдвэр” хэмээн жүжигчин бүсгүй хэлжээ.