МХЕГ-аас аж ахуйн нэгж байгууллагын үйлдвэрлэл, үйлчилгээний чиглэлээс хамаарч 80 хяналтын хуудсыг шинээр боловсруулан, хяналт шалгалтад ашиглахаар төлөвлөсөн байна. Үүнд, мах, махан бүтээгдэхүүн болон, сүү, сүүн бүтээгдэхүүн, кремт бүтээгдэхүүний үйлдвэрлэлийг шалгах хяналтын хуудсыг баталжээ. Мөн хоол үйлдвэрлэл, үйлчилгээ, арьс ширний үйлдвэрийн байгаль орчинд нөлөөлөх байдал, төв болон урьдчилан цэвэрлэх байгууламжийн байгаль орчинд нөлөөлөх байдлыг шалгах хяналтын хуудсыг батлан улсын байцаагчдад тараасан байна.