Казахстаны Павлодар хотын нэгэн оршин суугч Сенатын даргын машины цуваа руу дунд хуруугаа гозойлгон харуулснаас хойш тус орны Лалын холбоо хачирхалтай нэгэн хуулийн төсөл боловсруулжээ. Тэд доромжилсон утга, өнгө аястай дохио зангаа, үйлдлийг Эрүүгийн хуульд тусгах ёстой гэж үзсэн байна.

Лалын холбоо нь өндөр тушаалтнууд болон төрийн бэлгэдлийн эсрэг ил топ зангах, хэлээ гаргах, гар хуруугаа ашиглан элдэв дүрс хийн үзүүлэх,  өгзгөө зааж харуулах, бие засах, хүндрэх, найтааж нусаа нийх, нүдээ бүлтийлгэн, хацраа пөмбийлгэх зэрэг үйлдлийг өндөр тушаалтнуудын зүг, эсвэл дэргэд нь хийхийг хориглох нь зүйтэй хэмээн үзэж, хуулийн төсөл боловсруулжээ.

Сонирхуулахад, Казахстаны Лалын холбоог төр засаг, өндөр албан тушаалтнуудад үзүүлдэг магтаалын үг, үйлдлээрээ нэр алдартай Мурат Телибеков гэдэг хүн толгойлдог ажээ.