Төрийн тусгай алба хаагчдын нэгдсэн эмнэлгийн эмч нарын өлсгөлөн зарлахаар бэлдээд байсан гэр, эд юмс, албан бичиг зэргийг өнгөрсөн шөнийн 23.00 цагийн үед цагдаагийн алба хаагчид хураан авчээ. УИХ-ын гишүүн О.Баасанхүү “Чингэлтэй дүүргийн Цагдаагийн газрын 40 орчим алба хаагчид ТТАХНЭ-ийн эмч нарын өлсгөлөн зарлахаар зэхэж байсан бүх зүйлсийг хураан авч одсон байна. Түүгээр ч зогсохгүй Эмчилгээ эрхэлсэн орлогч дарга н.Нарантуяаг ямар нэгэн өлсгөлөн зарлах үйлдэл хийвэл баривчлана гэдгийг сануулсан байна” гэв.