Бразилд 11 хүүхдийн амь насыг хөнөөв

Хуучирсан мэдээ: 2011.04.08-нд нийтлэгдсэн

Бразилд 11 хүүхдийн амь насыг хөнөөв

Бразилийн Рио де Жанейро хотод нэгэн зэвсэглэсэн этгээд дунд сургуулийн хичээлийн байр луу дайран орж, 11 хүүхдийн амь насыг хөнөөж, 20 гаруйг шархдуулсны дараа өөрийнхөө амийг хөнөөсөн байна. Үүнтэй холбогдуулан Рио де Жанейро хотын цагдаагийн газраас Өмнөд Америкийн энэ оронд урьд өмнө ийм гэмт хэрэг хэзээ ч гарч байгаагүй юм гэж мэдэгджээ.

Хувийн хэвшлийн төлөөлөгчидтэй уулзалт хийж байсан Бразилийн ерөнхийлөгч Дилма Руссеф уг мэдээг сонссоны дараа “Хорвоод дөнгөж хөл тавьж эхэлж байсан бяцхан бразилчуудын амь насыг авч одлоо” гээд нэг минутын турш гашуудан зогссон байна.
Бразилийн Эрүүл мэндийн улсын нарийн бичгийн даргын мэдээлснээр 10 охин, 1 хүүхдийн амийг гэмт этгээд хөнөөсөн байна.
24 настай гэмт этгээд Уэллингтон Менезес де Оливиера нь уг сургуульд сурч байсан бөгөөд түүний халаасандаа үлдээсэн захидалд яагаад сургуулийн хүүхдийн амь насыг хөнөөх болсон шалтгаанаа дурдаагүй байсныг цагдаагийн газар мэдээлжээ.

АНУ зэрэг орнуудад үе үе гарч байдаг иймэрхүү төрлийн гэмт хэрэг Бразил улсын түүхэнд анх удаа тохиолдож байгаа юм байна.

Эх сурвалж: REUTERS
Бэлтгэсэн Д.Пунцаг

NewsMN Гар утасны хувилбар Татах
NEWS.mn

Мэдээллийн эх сурвалж