Дуучин Элтон Жонн саяхан хоёр дахь хүүгээ өлгийдөн авсан. Харин Элийя хүүг тээж төрүүлсэн эхэд Элтон Жонн, Дэвид Ферниш нар хэдий хэмжээний мөнгө төлсөн тухай мэдээллийг Британийн “The Sun” сонин олон нийтэд дэлгэжээ.

Элтон, Дэвид нар бие даасан агентуудаар дамжуулалгүй, АНУ-ын Калифорни дахь ижил хүйстэн хосуудын хүүхдийг тээх эхчүүдийн төвд хандсанаар 2013 оны нэгдүгээр сарын 11-нд хоёр дахь хүүхдээ угтан авчээ. Үүний тулд тэд ердөө 20 мянган фунт стерлинг төлсөн гэнэ. Анхны хүүгээ тэд мөн л тээгч эхээр төрүүлсэн бөгөөд тухайн үед 17 мянган фунт зарцуулж байжээ.

Тэдний ууган хүү Закари Жексон Левон нь 2010 оны арванхоёрдугаар сарын 25-нд төрсөн юм. Анхны хүүхдээ төрүүлэхдээ Элтон, Дэвид нар хоёул эр бэлгийн эсээ өгч байсан ч чухам хэнийх нь эсийг тээгч эхийн өндгөн эсэнд суулгасныг тэд одоо ч мэддэггүй гэнэ. Цаашид ч хэнийх нь хүүхэд болохыг тогтоолгохоор ДНК-ийн шинжилгээ хийлгэхгүй гэж тохиролцсон аж.