Агаарын чанарын мэргэжлийн албанаас Улаанбаатар хотын агаарын бохирдлын индексийг өдөр бүр нэгтгэн иргэдэд мэдээлдэг. Харин сүүлийн үед энэ мэдээллийг олон нийтэд хүргэхээ больсон. Энэ талаар Ус цаг уур, орчны хүрээлэнгийн агаарын чанарын мэргэжилтэн Ж.Баярмагнайгаас тодрууллаа.

-Агаарын бохирдлыг буу­руулах үндэсний хо­роо­ноос индексийн мэдээг олон нийтэд мэдээлэхийг хорьсон гэсэн. Ямар учраас ийм шийд­вэр гаргасан юм бэ?

-Агаарын чанарын мэдээ, мэдээллийг олон ний­тэд илүү боловсронгуй байд­лаар хүргэх шийд­вэрийг Үндэс­­ний хороо­ноос гар­гасан. Үүнтэй хол­бог­дуу­лан агаарын бо­хирд­лын ин­дексийг түр хугацаанд мэ­дээ­­лэхийг хориглосон.

-Ойрын үед утаа улам нэ­мэгдсэн учраас бохирд­лын хэмжээг нуу­гаад байна гэсэн хард­лага ир­­гэдийн дунд байгаа. Та үүнд ямар тайлбар хийх вэ?

-Тийм зүйл байхгүй ээ.

Шинээр боловсруулах зохицуулалтын талаар тод­руулна уу?

-Индексийн мэдээ хи­мийн нэр томъёо ихтэй уч­раас ойлгохгүй байна гэсэн шүүмжлэл иргэдээс ирдэг. Тиймээс мэдээллийг илүү ойл­гомжтой, энгийн болгох үүднээс дахин загварчилж байгаа. Ингэснээр агаарын бохирдлын хэмжээ өдөр бүр ямар байгааг, цаашилбал өнгөрсөн жилээс яаж өөрч­лөгдсөн зэргийг харж болно.

-Агаарын чанарын мэдээ шинэчилсэн байд­лаа­­раа иргэдэд хэзээнээс хүрч эхлэх вэ. Бохирдлын хэм­жээг өдөр бүр тодор­хойлж байгаа юу?

-Агаарын чанарын бо­хирдлын хэмжээг нийс­лэлийн таван байршлаас өдөр бүр авч байгаа. Мөн агаарын бохирдлын хэм­жээ­тэй бусад мэлээллийг хэ­вийн хүргэж байна. Зөв­­хөн индексийн мэдээг тү­гээхэд л өөрчлөлт хийх юм.