Монголын хамгийн баян аймаг нь Өмнөговь болохыг үгүйсгэх аргагүй. Оюутолгой, Тавантолгой, Энержи ресурс, МАК гээд тоочоод байвал хамаг толгой компаниуд тэнд ажиллаж байна. Гэтэл аймгийн төв нь харанхуй хэвээр өнөөдөртэй золгов. Тиймээс Өмнөговь аймгийнхныг “Ландаа  /ланд крузер машин/ унаад лаандаа явдаг” хэмээн ёжилдог. Энэ бол ёж үг ч биш үнэн бодит байдал гэдгийг Засаг дарга Б.Бадраагийн яриа баталж байна.

-Өмнөговь аймгийн хувьд аймгийн төвийн эрчим хүчний доголдлыг эс тооцвол өвөлжилт сайхан байна. Даланзадгадын дулааны цахилгаан станцын хувьд анх барихдаа зургаан мегабайтын хүчин чадалтай барьж байгуулсан ч одоо дөнгөж 2.5 мегабайтыг нь ашиглаж байгаа. Төвийн эрчим хүчнээс хоёр мегабайт эрчим хүч авч байгаа. Гал залгах төдий л ажиллаж байна. Тиймээс семинарт ирсэн боломжоо ашиглан Эрчим хүчний яам, холбогдох албан тушаалтнуудтай уулзана гэсэн юм.