Хөдөлмөрийн яам, Үйлдвэр хөдөө аж ахуйн яам хамтран зохион байгуулж буй “Монголд үйлдвэрлэв-2013” үзэсгэлэн худалдаа өнөөдөр эхэлж байна. 

Үзэсгэлэн худалдааг үндэсний үйлдвэр эрхлэгчдээ дэмжиж, тэдний бараа бүтээгдэхүүнийг зах зээлд таниулах зорилгоор жил бүрийн сар шинийн баярын өмнө уламжлал болгон зохион байгуулж буй. Энэ удаагийн үзэсгэлэн худалдааг бараа бүтээгдэхүүнээр нь төрөлжүүлэн дараах байдлаар олон нийтэд хүргэхээр зорьжээ. Тухайлбал, Хүнсний бүтээгдэхүүн үйлдвэрлэгчид “Аса” циркт маргаашнаас эхлэн бүтээгдэхүүнээ дэлгэх бол бусад чиглэлийн үйлдвэрлэл эрхлэгчид өнөөдрөөс “Мишээл экспо” төвд энэ сарын 31-н хүртэл, мөн  “IT world” төвд ирэх сарын 10-ны өдрийг хүртэл үйлдвэрлэсэн бараа бүтээгдэхүүнээ хэрэглэгчдэд танилцуулж борлуулахаар болжээ.