Загварын ертөнцийн нэр хүндтэй ихрүүд болох Канадын зохион бүтээгч Дин, Дэн Гетэн нарын “DSquared2” загварын ордон ирэх жил хүүхэд, багачуудад зориулсан коллекци гаргах гэнэ. Зөвхөн нэг талыг баримталсан бус, бүх насныханд зориулсан бүтээгдэхүүн үйлдвэрлэх зорилтын хүрээнд ийнхүү хүүхдүүдийг “онилжээ”. Ингэхдээ чамин тансаг, өвөрмөц дизайн бүхий хувцас урлах гэнэ.

“Dsquared2” эхний удаад 14-өөс доош насныханд зориулсан загвар гаргах бөгөөд илүү чамин, ганган харагдуулах акксесуар, гоёл чимэглэлийг ч мөн мартаагүй гэдгээ дуулгав. Тус брэндийн хүүхдийн загваруудыг “Brave Kid” компанид үйлдвэр бөгөөд John Galliano болон Diesel-ын салбаруудаар худалдаалах аж.

“Dsquared2” хүүхдийн хувцасны шинэ загваруудаа Милан, Парис, Токиод болох Spring 2014” шоунд танилцуулсны дараа олон улсын зах зээлд гаргах гэнэ.