Дөнгөж төрсөн нярай ээжийнхээ хөхөнд даруулж амиа алдсан хэрэг өнгөрсөн ням гаригийн буюу энэ сарын 13-нд Хоёрдугаар амаржих газарт гарсан байна. Нярай эсэн мэнд амаржсан бөгөөд 27 настай бүсгүйн дөрөв дэх хүүхэд байсан гэнэ. Эх сурвалжуудын мэдээлснээр “Хоёрдугаар амаржих газрын төрсний дараах тасаг нь ердөө 14-хөн ортой болохоор төрсөн хоёр ээжийг хүүхдүүдтэй нь хамт дөрвүүлэнг нь нэг орон дээр унтуулсан гэсэн. Зай багатай  шахцалдан хэвтсэнээс, нярайлсан ээж дугхийх зуур хүүхдээ хөхөөрөө дарсан. Үүнд хоёрдугаар амаржих газрынхан буруутай” гэв.

 Харин Хоёрдугаар амаржих газрын дарга Б.Оюунхандаас энэ талаар тодруулах гэтэл “Энэ тухай цагдаагийн байгууллагаас тодруул” гэв.

Энэ тухай цагдаагийн байгууллагаас тодруулж эргэн мэдээлэх болно.