Онлайн эх сурвалжуудын мэдээлснээр Samsung компани шинэ загварын Galaxy S II смартфоны техник хангамжийг өөрчлөхөөр болсон тул худалдаанд гаргах товыг хэсэг хугацаанд хойшлуулаад байгаа гэжээ. Galaxy S II-т суулгахаар төлөвлөөд байсан 1 гегагерцийн хоёр цөмт процессорыг өөрчилж, 1,2 гегагерцийн хоёр цөмт процессорыг суулгахаар болсон нь хийх гэж буй гол өөрчлөлт юм байна.
Харин компанийн зүгээс худалдаанд гаргах өдрийг хойшлуулсан тухай мэдээллийг няцаасан бөгөөд бүтээгдэхүүнийг товлосон хугацаандаа худалдаанд гаргана хэмээн мэдэгджээ. Тус компанийн төлөвлөснөөр Galaxy S II смартфон дөрөвдүгээр сарын сүүлээр худалдаанд гарах юм. Samsung-аас урьтаж LG компани шинэ загварын Optimus 2X смартфоныг Энэтхэгийн зах зээл дээр 30,000 рупигээр худалдаалж эхлээд байгаа ба ажиглагч, сонирхогчдын дунд Samsung-ийн смартфон хэзээ Энэтхэг улсад худалдаалагдаэ эхлэх нь ихээхэн сонирхол татаж байгаа ажээ.

Б.Энхцэцэг