Монгол Улсын Засгийн газар, Монголын Мянганы Сорилтын Сан \ММСС\-гийн Эрүүл мэндийн төсөл, түүний зөвлөх-EPOS Health Management байгууллагаас 2010 оны дөрөвдүгээр сарын 15-16-ны өдрүүдэд “Халдварт бус өвчин, осол гэмтлийн урьдчилан сэргийлэлт ба хяналт” сэдвээр олон улсын хурлыг зохион байгуулах гэж байна. Ази тивд энэ чиглэлээр зохион болж байгаа анхны олон улсын шинж чанартай хуралд  гадаад, дотоодын нэр хүндтэй эрдэмтэд, судлаачдыг оролцуулан нийт 250 төлөөлөгч оролцох юм байна.

Хурал нь халдварт бус өвчин, осол гэмтлийн чиглэлээрх Монгол Улсын туршлага, олон улсын эрдэм судлалын ажлын үр дүнг харилцан судлах, мэдээлэл солилцох, судалгаа, шинжилгээний ажлын хамтын ажиллагааг дэмжих, халдварт бус өвчин, осол гэмтлээс сэргийлэх, хянах болон эрүүл мэндийг дэмжих үйл ажиллагааны улс орны эдийн засаг дахь ач холбогдлыг тодорхойлж, шийдвэр гаргагчдад хүргэх зорилготой ажээ. “Чингис хаан” зочид буудлын хурлын танхимд болох энэ Олон улсын хурлын үеэр гадаадын 14 орны эрдэмтэн судлаачид илтгэл тавих бөгөөд АНУ, Финлянд, Хятад, Тайланд, Австрали, Герман, Япон, Канадын эрдэмтэн судлаачид, ДЭМБ-ын төлөөлөгчидтэй уулзах боломжтой гэнэ.