Их Британийн Хорт хавдрын судалгааны төв онлайн нэвтэрхий толь Wikipedia-г замаасаа цэвэрлэхээр өөрийн мэргэжилтнүүдийг илгээжээ. Тус төв “Хүмүүс хавдрын тухай мэдээллийг интернэтээс ихэвчлэн хайдаг. Харин веб хуудас дээр байгаа мэдээлэл тэр бүр баталгаатай, үнэн зөв байдаггүй. Тэр дундаа Wikipedia онлайн нэвтэрхий толь дээрх мэдээллийг хүссэн хүн засварлаж, нэмэлт мэдээлэл оруулах боломжтой байгаа нь ташаа мэдээллийг бүр дэвэргэж байна” гэжээ.
Хорт хавдрын судалгааны төв өөрийн гэсэн вебхуудастай тул хэрэглэгчдийг Wikipedia-аас бус тус төвийн сайтаас хорт хавдрын мэдээллийг хайх хэрэгтэйг сануулсан байна. Хэдий хүмүүс өвчний мэдээллийг дээрх төвийн сайтаас хамгийн ихээр хайж байгаа ч, хоёрдугаарт Wikipedia-аас хамгийн их эрэлттэй байдаг ажээ. Тиймээс ойлгомж муутай, дутуу дулимаг, алдаатай ташаа мэдээллийн сайтыг хаах нь зүйтэй гэж Хорт хавдрын судалгааны төв үзэж байгаа юм байна.

Б.Энхцэцэг