Дуучин Жастин Тэмберлайк шинэ цомгоо фенүүддээ хүргэхээр ажиллаж эхэлжээ. Сүүлийн үед кино урлагийн салбарт анхаарлаа хандуулж, жүжигчний хувиар карьер хөөж, шинэ уран бүтээлийн хувьд түр завсарлага аваад байсан юм. Сүүлийн зургаан жилийн хугацаанд шинэ бүтээл туурвиагүй Жастин саяхнаас шинэ цомгийн ажилдаа ханцуй шамлан оржээ.

N’Sync хамтлаг бутарснаас хойш “соло артист” болсон Жастин өнгөрсөн хугацаанд хоёр ч цомог гаргаж амжсан. Харин түүний гурав дахь бие даасан цомог "20/20 Experience" нэртэй байх юм. Цомгийнхоо эхний дуу болох “Suit & Tie" синглээ тэрбээр өчигдрөөс цацаж эхэлжээ. Цомгийн ажилд “RCA Records”-той хамтран ажиллах юм байна.