Дорнод аймгийн Улаан Загалмайн Хороо, аймгийнхаа Боловсрол соёлын газар (БСГ)-тай хамтран “Хүмүүнлэг иргэн, Хөгжлийн ирээдүй” сэдэвт уулзалт, сургалтыг зохион байгууллаа. Уулзалт, сургалт нь МУЗН, БСШУ-ны яамтай хүмүүнлэгийн чиглэлээр байгуулсан хамтын ажиллагааны гэрээг орон нутагт хэрэгжүүлэх, улмаар өсвөр үе, хүүхэд залуучуудыг хүмүүнлэгийн үйлсийн төлөө нэгтгэх, энэрэх нигүүлсэх үзлийг бага балчраас нь төлөвшүүлэхэд боловсролын нийгмийн ажилтны оролцоог хангах, орон нутагт төр, төрийн бус байгууллагын хамтын ажиллагааг бэхжүүлэхэд чиглэглэж байлаа. Энэ арга хэмжээнд Дорнод аймгийн УЗХ, БСГ-ын удирдлага болон төвийн, сумдын ЕБС-ын нийгмийн ажилтнууд болох нийт 24 хүн хамрагдсан байна.

Энэ үеэр БСГ дээр анхан шатны УЗХ байгуулахын зэрэгцээ, сургуулийн нийгмийн ажилтнуудтай хамтын ажиллагааны гэрээ байгуулан, цаашид хэрхэн хамтран ажиллах ажлын чиглэлээ тодорхойлсон байна. Мөн энэ үеэр тус хорооноос жил бүр зохион явуулдаг “Атга будаа” хандивын аяны дүн гаргаж, “Нигүүлсэнгүй үйлст” сургууль, анги хамт олныг шалгаруулж шагналыг гардууллаа.  “Нигүүлсэнгүй үйлст  сургууль”-аар Улсын Тэргүүний 1 дүгээр сургуулийн хамт олон, “Нигүүлсэнгүй үйлст анги, хамт олон”-оор Улсын Тэргүүний 1 дүгээр сургуулийн Ганбаяр багштай 8а ангийн хамт олон шалгарч, тус сургуулийн Өсвөрийн улаан загалмайн бүлгэмийн удирдагч багш П.Чимгээ МУЗН-ийн “Шилдэг залуу” алтан медалиар шагнагдлаа.
Б.Батжаргал