Их Британийн эрчим хүчний хэрэглээг хянах байгууллагаас салхины эрчим хүчийг үйлдвэрлэгч салхин тээрмийн аж ахуйн хүчин чадлыг тооцох судалгааг саяхан явуулжээ. Их Британийн засгийн газар болоод салхин тээрмийн эрчим хүч үйлдвэрлэгчид тус улсад нэг жилд шаардлагатай эрчим хүчний 30 орчим хувийг салхин тээрмээс гарган авах боломжтой гэж үзэж байсан байна.
Харин судалгааны дүнд жилийн эхний хагаст салхин тээрмээс нийт хэрэглээний 20 орчим хувийг хангах эрчим хүчийг гарган авч байсан бол жилийн сүүл хагаст ердөө 10 хүрэхгүй хувийг гарган авсан байна. Тиймээс эрчим хүчний хэрэглээ цаашид улам өсөх хандлагатай байгаа энэ үед эрчим хүчний өөр эх үүсвэр хайх шаардлагатай байна гэж дээрх судалгааг явуулсан багийн гишүүд үзжээ.