“Toyota”-гийн зээлийн хэмжээ Японы автомашин үйлдвэрлэгч аварга компанийг уналтад оруулж бол­зош­гүй гэж “Moody’s” агентлаг үзжээ. Газар хөд­лөлт, цунамийн дараа “Toyota”-гийн ашиг буурч эхэл­сэн юм. Лхагва гаригт тус компанийн төлөөлөгч дотоод­ын үйлдвэрлэлээ ирэх долоо хоног хүртэл зогсоохоор болсноо мэдэгдсэн. Газар хөдлөлтийн гамшиг тохиолдсоноос хойш Японы автомашины үйлдвэрлэл зогсонги байдалд ороод байгаа билээ.  Ирэх долоо хоногоос эхлэн дотоодын үйлдвэрүүд сэргэх төлөвтэй байгаа тухай тус компанийн төлөөлөгч ярьсан байна. Харин ажиглагчид  Японы автомашины үйлдвэрүүдийн түр зогсолт үүнээс ч удаан үргэлжилнэ гэж таамаглаж байгаа юм.

Өнгөрсөн сарын сүүлээр зарим үйлдвэрүүд цөөн тооны бүтээгдэхүүн үйлдвэрлэсэн боловч хэвийн ажиллагаандаа орох хүртэл дахин хэдэн сар шаардлагатай гэж “Moody’s”  агентлагын шинжээч ярьжээ. Японы газар хөдлөлтийн сүйрэл эдийн засгийг нь бүхэлд нь хамарчээ. “Toyota” Японы зах зээлээс хамааралтай байдал 27 хувь байгаа нь өндөр хэмжээ аж.