Сувилагчийн буруугаас болж түлэгдсэн нярайг ГССҮТ-ийн Түлэнхийн тасгаас өнөөдөр өглөө Эх хүүхдийн эрүүл мэндийн үндэсний төвийн Нярайн сэхээний тасагт шилжүүлжээ. Шинэ оны өмнөхөн Баянхонгор аймагт дөнгөж төрсөн нярайг угаах гэж байгаад халуун усанд түлж, гэмтээсэн хэрэг гарсан билээ.

Нярайг  нийслэлд авчирч, ГССҮТ-д хүргэхэд  гуравдугаар зэргийн түлэгдэлттэй ирсэн талаар тус төвийн эмч нар хэлж байна. Хорвоод мэндлээд хэдхэн хонож буй нярайг ЭХЭМҮТ-д эмчлэх шаардлагатай тул ийнхүү өнөөдөр шилжүүлжээ.

Одоогоор хүүхдийн биеийн байдал хүнд байгаа бөгөөд ЭХЭМҮТ-д шилжүүлснээр ГССҮТ-ийн Түлэнхийн төвийн эмч нар байнгын хяналт тавьж, боолтыг нь хийж байхаар болсон байна.