Сүхбаатарын талбайд өнөөдөр болох “Нийслэлийн шинэ жилийн цэнгүүн” 23:00 цагаас эхлэх ажээ. Шинэ жилийн цэнгүүнд нийслэлийн Засаг дарга Э.Бат-Үүл оролцож, он солигдох мөчийг нийслэлийн иргэдтэй хамт угтах юм. 

Төв талбайд шинэ жилийн цэнгүүн болохтой холбогдуулан өнөөдөр 22:00 цагаас шөнийн 01:00 цагийн хооронд Сүхбаатарын талбайн баруун, зүүн хэсгийн замыг хааж, авто машин нэвтрүүлэхгүй байх юм байна. “Нийслэлийн шинэ жилийн цэнгүүн” зориулж 23:30, 00:30 цагийн хооронд 30 гаруй автобусаар иргэдэд үйлчлэх болсныг дуулгая. Сүхбаатарын талбайн урд талын автобусны “А”, “Б” зогсоолоос эдгээр автобуснууд 20 чиглэлд зорчих юм байна.