Налайхад байрлах “Хаан” банкны салбарт нэг хүний амь насыг хөнөөж, хоёр иргэнийг буудаж гэмтээсэн А.Бат-Ялалтын давж заалдах шатны шүүх хурал Нийслэлийн шүүхэд өнөөдөр товлогдоод байсан ч тодорхойгүй хугацаагаар хойшиллоо.  Хэрэгт хяналт тавьж буй Улсын яллагч С.Хишигжаргал шүүх хурлыг хойшлуулах хүсэлт тавьсныг шүүх бүрэлдэхүүн  хүлээн авчээ.

А.Бат-Ялалтыг Эрүүгийн хуулийн тусгай ангид заасан найман зүйл ангиар  буруутгаж, Налайх дүүрийн шүүхээс арваннэгдүгээр сарын 21-нд цаазаар авах ял оноосон. Шүүхийн уг шийдвэрийг тэрээр эсэргүүцэж, ийнхүү давж заалдах шатны шүүхэд гомдол гаргасан. Одоогоор шүүх хурлыг хэзээ хүртэл хойшлуулсан нь тодорхойгүй байна.