Нэгдсэн үндэсний байгууллагын Худалдан авалтын хэлтсээс НҮБ-тай хамтарч ажиллах, ханган нийлүүлэлтэд тавигдах шаардлага, нөхцөлийн талаарх хурлыг энэ сарын 17, 18-нд Гадаад харилцааны яаманд зохион байгуулах гэж байна. Семинарын эхний өдөр НҮБ-д ханган нийлүүлэлт хийхэд тавигддаг шаардлагыг танилцуулж,  сонирхсон асуултад хариулах бол дараагийн өдөр нь ханган нийлүүлэгчдийн жагсаалтад бүртгүүлэх зөвлөгөө өгөх ажээ.

НҮБ-ын худалдан авалтын гол чиглэлүүд нь агаарын тээвэр, харилцаа холбоо, барилга, архитектур, хүнсний бүтээгдэхүүн, химийн бүтээгдэхүүн болон авто тээврийн хэрэгсэл, аюулгүй байдлын тоног төхөөрөмж, үйлчилгээ зэрэг бөгөөд бизнес эрхлэгчид энэ талаарх мэдээлэл хомс байдаг юм. Тиймээс хуралд оролцох хүсэлтэй бизнес эрхлэгч, аж ахуй нэгжүүд 12 дугаар сарын 14-нөөс өмнө Монголын Үндэсний худалдаа, аж үйлдвэрийн танхимтай холбогдон, хэрхэн бүртгүүлэх тухай мэдээллийг авч болох юм байна.