Казахстаны "Эхо Желтоксана" олон нийтийн байгууллага нийслэлээ тус орны анхны ерөнхийлөгч Нурсултан Назарбаевын нэрээр нэрлэх хүсэлт гарган ард түмэндээ ханджээ. Казахстаны ард түмний өмнө байгуулсан асар их зүтгэл  гавъяаных нь төлөө Астана хотыг Назарбаевын нэрээр нэрлэх нь зүйтэй гэж тус байгууллагын тэргүүн Толеген  Альжан тэмдэглэснийг "Казинформ" мэдээлжээ.

Олон нийтийн зүтгэлтний хэлснээр, уг мэдэгдлийг парламентад хүлээн авч Соёл, мэдээллийн яаманд хэлэлцүүлэхээр болоод байгаа аж.  Гэхдээ Альжан нийслэлдээ Нурсалтан гэж нэрлэх үү Назарбаев гэх үү гэдгээ тодорхойлоогүй байна. “Нурсултан л лав биш, Нурсалтнууд манайд зөндөө их. Миний хүү хүртэл Нурсалтан нэртэй. Назарбаев байж болно. Гэхдээ үүнийг ард түмэн л шийднэ” хэмээн тэрээр хэлжээ.

Назарбаев нь тус орны цорын ганц бөгөөд анхны ерөнхийлөгчөөс гадна парламентаас нь олгосон "елбасы" – үндэсний лидер гэсэн нэртэй. Арванххоёрдугаар сарын 1-нийг тус оронд Назарбаевт зориулан ерөнхийлөгчийн өдөр болгосон. Назарбаев Казахстаны нийслэлийг Алма-Аты хотоос Астанад нүүлгэх шийдвэрийг 1994 онд гаргасан юм. Тус хотод эдийн засгийн онцгой бүс байгуулснаас гадна хүн амаар одоо улсынхаа хоёр дахь том хот болоод байгаа юм.