Хөгжлийн бэрхшээлтэй ч аливаа ажлыг нягт нямбай, чадварлаг хийдэг иргэн олон бий. Мэргэжил, ур чадвараар хаана ч гологдохгүй тэдгээр иргэнийг тохирох ажлын байранд зуучлах нь Түгээмэл хөгжил төвийн ажлын нэг байх юм. Америкт сургууль төгсөгчдийн Маса ТББ болон Түгээмэл хөгжил Төв хамтран санаачилж хийсэн Bid chadna веб сайтаар дамжуулан компаниудаас ажлын байрны захиалга авж ажил олгох, ажлын байранд тохирох мэргэжилтэн, ажилтан бэлтгэх сургалт зохион байгуулах юм. Манай веб сайт нь Нийслэлийн хөдөлмөрийн биржтэй гэрээтэй хувийн хөдөлмөрийн бирж байгуулсан бөгөөд  манай хөдөлмөрийн биржид бүртгүүлсэн хүний анкет нийслэлийн хөдөлмөрийн бирж дээр байрших юм.   Мөн энэ сайтанд Улаанбаатар хотын хаана аль хэсэгт, эсвэл аль байгууллага, үйлчилгээний газрууд хөдөлгөөний бэрхшээлтэй тэргэнцэртэй иргэдэд зориулсан орц гарц, цахилгаан шат байдагийг харуулсан олон улсад өргөн дэлгэр хэрэглэгддэг “Нийгмийн зураглал” буюу “Social map” ажиллаж байна. Хувиараа бизнес эрхэлдэг, тухайлбал ногоо тарьдаг, оёдол эрхэлдэг, гар урлал, эсгий эдлэл хийдэг хүмүүсийн бүтээгдхүүнийг Бүтээгдхүүн гэсэн хэсэгт байршуулж компани, аж ахуй хэрэгцээтэй газруудад зуучилж өгж байна. Мөн мэдээ мэдээлэл, хууль зүйн зөвлөгөө өгөх булангууд ажиллаж байна. Та манай сайтийн гишүүн болсоноор ажил олгогчидтой холбогдох мөн өөрийн хийдэг бүтээгдхүүнээ борлуулах сувгаа нэмэгдүүлэх боломжтой ба харин ажил олгогчдын хувьд өөрсдийн хайсан мэргэжилтэн ажилтанаа олж авах боломж үүснэ.