“…Сүүмийн сүүмийх алс тэртээд
Сүргээ хариулж яваа даа
Баян далайн уулс шиг ээ
Бялхам сэтгэлт аав минь
Сураг чимээ чагнаад
Хүүгээ хүлээж суугаа даа…” хэмээн эгшиглэдэг дуучин М.Янжиндуламын дуулснаар ард түмний сэтгэлд хоногшсон “Аавдаа” дууг дуучин С.Сэрчмаа шинэчлэн бичүүлжээ. Тэрээр Монголын бүх сайхан аавуудад зориулан дахин дуулсан гэнэ. Уг дууны шинэчилсэн найруулгыг Ч.Байдраг хийсэн бол дууны инженерээр “Pro sound” студийн Рагу ажиллажээ. Уг дуу  “SBN” телевизийн “Манай аялгуу” урлагийн төслийн хүрээнд шинэчлэгдэн, ийнхүү дуучин Ч.Сэрчмаагийн дуулснаар олны хүртээл болох нь ээ.